دليني - Dalini
Dhafer AlDabbagh
دليني هو تطبيق سائق السيارة الكهربائية في العراق. مو بس خرائط — كل شي تحتاجه لسيارتك بمكان واحد، وبالعربي، وعلى شاشة سيارتك. ■ «هل أوصل؟» — الجواب قبل ما تنطلق حدد وجهتك ونسبة شحنك، ودليني يحسب لك نسبة البطارية المتوقعة عند الوصول. وإذا الشحن ما يكفي، يضيف لك محطة شحن على طريقك تلقائياً. الحساب يأخذ بنظر الاعتبار الطقس البارد والسرعة العالية، لأن المدى الحقيقي مو نفس المدى المكتوب. ■ خريطة الشواحن ٧٠ شاحن على خريطة العراق — بالأسعار والأرقام والصور وحالة كل شاحن من السواق أنفسهم. تكدر تضيف شاحن جديد أو تحدّث حالة شاحن موجود، وتساعد كل سائق بعدك. ■ ورش الصيانة المختصة ورش تفهم بالسيارات الكهربائية، مو أي ورشة. شوفها على الخريطة، اتصل بيها مباشرة، أو خلي دليني يوديك لباب الورشة. ■ المتجر شواحن وكيبلات وإكسسوارات من محلات عراقية حقيقية. تصفح حسب المحل، افتح المنتج وشوفه بحجم كبير، وتواصل مع البائع واتساب مباشرة. بعض المحلات توصّل لباب بيتك. ■ ملاحة مصممة للسيارة إرشاد صوتي بالعربي، تنبيهات الرادارات والطرق المغلقة من السواق، وشاشة قيادة واضحة تشتغل على شاشة سيارتك مثل ما تشتغل على موبايلك. ■ اربط سيارتك (اختياري) إذا سيارتك تدعم الربط، دليني يقرأ نسبة الشحن والمدى تلقائياً — بدون ما تدخل الأرقام كل مرة. ■ يشتغل بدون تسجيل افتح التطبيق واستخدمه. التسجيل مجاني ويفتح لك ربط السيارة والنقاط والمكافآت، بس مو شرط. دليني تطبيق عراقي مستقل، غير تابع لأي شركة سيارات.
Screenshots
