علمني: وزاريات ومنهج العراق
Adheem Qasim
صوّر سؤالك، وعلمني يشرحه لك خطوة خطوة من نفس كتابك. الوزاري المكرر بكل فصل، الأكثر تكرار أول، ويا سنين كل سؤال. وقبل الشهري يختبرك على المادة الداخلة ويصحح كل جواب. علمني مدرّسك الخصوصي بجيبك، مبني على المنهج العراقي من الأول المتوسط لحد السادس الإعدادي، العلمي والأدبي. علگت بسؤال؟ صوّر السؤال، الواجب، أسئلة الملزمة، أو ورقة الشهري كاملة. علمني يقرا الصورة ويحلها سؤال سؤال، ويشرحلك ليش هيچ، مو بس شنو الجواب. يشرحلك من كتابك يشرح الموضوع من صفحات كتابك، بنفس أمثلته ورسوماته وقوانينه، ويختم كل درس بشلون يجيك بالامتحان. ومن تخلص، «الموضوع الجاي» ياخذك للي بعده بالكتاب. الوزاري المكرر أسئلة الوزاري للثالث المتوسط والسادس الإعدادي، فصل فصل. بس الأسئلة اللي رجعت بأكثر من سنة، الأكثر تكرار يطلع أول، ويا سنين كل سؤال. واحفظ المهمة حتى ترجعلها وقت المراجعة. قبل الشهري؟ اختار الموضوع، وعلمني يسويلك اختبار عليه: اختيار من متعدد، صح وخطأ، املأ الفراغ، جواب مكتوب، أو صوّر جوابك من الدفتر. يصحح كل جواب أول ما تخلص، ويكتبلك ملاحظة ويا الإجابة النموذجية. غلطاتك ترجعلك كل سؤال غلطت بيه ينحفظ بـ«مراجعتي»، ويرجعلك نفس السؤال لين تثبته. و«اشرحلي غلطي» يفهمك ليش الصح صح. جاهز للامتحان؟ ضيف امتحانك، أو صوّر جدول امتحاناتك كله. بكل امتحان تشوف وين وصلت بكل موضوع: ما بديت بيه، درسته وباقي تختبر نفسك، عندك غلط تصححه، أو ثابت. وكل يوم يگلك شنو الخطوة الجاية. كل موادك بمكان واحد الرياضيات، الفيزياء، الكيمياء، الأحياء، اللغة العربية، الاجتماعيات، التاريخ، الجغرافية، الاقتصاد، الحاسوب، وباقي مواد صفك وفرعك. علمني الذهبي علمني مجاني، وللمجاني حد يومي. الذهبي يفتحلك: • حلول الوزاري المكرر، وكل سؤال يشرحه المدرس شرح كامل. • صوّر قد ما تحتاج: الواجب، الملزمة، أو ورقة الشهري كاملة. • بدون حد يومي: اسهر وياه قبل الامتحان، وما يوقفك بنص الدرس. • اختبارات على فصل كامل من المادة الداخلة. • اسأل بصوتك: احچي سؤالك بدل ما تكتبه. الاشتراك علمني الذهبي اشتراك شهري أو سنوي يتجدد تلقائياً. ينسحب المبلغ من حساب Apple وقت تأكيد الشراء، ويتجدد إلا إذا لغيته قبل 24 ساعة على الأقل من نهاية المدة. تگدر تدير اشتراكك وتلغيه من إعدادات حساب Apple. سياسة الخصوصية: https://alimni.app/privacy شروط الخدمة: https://alimni.app/tos شروط الاستخدام (EULA): https://www.apple.com/legal/internet-services/itunes/dev/stdeula/
Screenshots
